బంతిపూల తోరణాల దీపావళి,
రంగు రంగుల రంగవల్లుల దీపావళి,
మేలిమి బంగారం, పసుపు కుంకుమ తోమాలతో,
లక్ష్మీదేవికి ఆహ్వానం,
కోపాలకు , కక్షలకు విడ్కోలుతో,
ముంగిట వెలుగులతో మనసార అతిధులకు విన్నపం,
ప్రాంతీయ భాషా భేదాలతో సతమతమయ్యే ప్రతి ఒక్కరి పండుగ దీపావళి,
పేర్లు ఎన్నైనా రుచి మాత్రం ఒక్కటే,
రూపాలు వేరైనా వాటి మూలం ఒక్కటే,
నరకాసుర వధ తో ప్రతి ఇంట్లో ఆనందం హరివిల్లు కాగా,
అనుబంధాలు వార్తా హరులై ప్రతి ఒక్కరి మనస్సును రంజింప చేస్తూ,
ఝూం ఝూం డాం డాం అంటూ పటాసులు
కులమత, ప్రాంతీయ భాషా భేదాలను పటాపంచలు చేస్తూ,
పిన్నలకు పెద్దలకు మరపురాని సంతోషాల సంగమం
దీపావళి దివ్వెల దీపావళి ప్రతి ఇంట్లో దీపావళి
