కంప్యూటర్ జాబుల గోల

అమెరికా జాబులంటే బోలెడన్ని డబ్బులంటూ 

y2k తో టిక్కు టిక్కు లోళ్లు విరగబడి సముద్రాలు దాటినారు  

కలలు కనే లోకం ఇంజనీరింగ్ చదివేసి 

మోజు లోన విమానమెక్కి 

9/11 తో బిక్కచచ్చి పోనారు .. 

లాంగ్వేజ్ అంటూ కొత్త కొత్త పేరులతో 

ముప్పులే తెచ్చారు 

పొట్ట కూటి కోసం కోటి విద్యలే నేర్చినారు 

కనిపెట్టి నోడికేమి ఎరుక మితి మీరిన తిప్పలు 

నేర్చుకుంటే తెలుస్తది మతి లేని సుద్దులు

ఈరోజొచ్చిన టెక్కు తో 

10 సంవత్సరాల అనుభవం  కావాలంటాడు 

ఏదున్నా లేకున్నాఅన్నీ కావాలంటాడు 

అన్నీ వున్నా నీకు లేనిది సిటిజెన్ అంటాడు 

లక్కు తో పోరాడి నిక్కుతూ నీలుగుతూ 

EAD లు వచ్చి జాబులుంటే చాలు నంటూ 

దున్నుకుంటూ దోచుకుంటున్న బడా బాబులకెరుక

offshore మోతుబరుల చీట్లాటలు 

ఏడకొచ్చామో ఎందుకొచ్చామో మరిచిపోయి  

పోలేక ఉండలేక చితికి నాడు అమెరికా డాబులోడు ...